【Book定先】薛恩莫雷拉兩國際賽座騎已定

Homan

23 November 2021, 8:16:24 am

香港國際賽將於下個月中上演,隨著預賽於上星期日完結,入選名單亦預計將於聽晚公布。各騎師配搭亦都逐步浮面。

據SCMP報導,冠軍騎師莫雷拉將會繼續策騎蔡約翰馬房嘅「速遞奇兵」出戰香港短途錦標。雖然今季「速遞奇兵」未嚐一勝,但莫雷拉依然繼續為其執韁。而正如之前報導所述,佢會於香港瓶策外隊馬「耀滿瓶」(Glory Vase)爭標。現時佢未決定於香港一哩錦標及香港盃策騎哪一駒上陣。

而澳洲騎師薛恩於香港短途錦標策騎「顯心星」上陣,於香港瓶就會策「將王」出戰。兩駒都係佢於上星期日嘅預賽經手。「顯心星」上季尾起已交由佢操刀,反而「將王」上場先第一次交比薛恩,於馬會盃跑入第五名。「將王」將再次增程至2400米,兩次喺香港跑2400米都係落第而回。薛恩就話好開心有機會可以參與香港馬季最大型嘅賽日,睇下到時手風如何喇!

除此之外,呂健威早前亦表示潘頓會再次為「錶之未來」效力,意味著呢位前領騎師至少已卜定一匹座騎。

Source: SCMP
Photo: HKJC