【2020 JRA騎練獎項 李慕華矢作芳人已成最大贏家】

Homan

5 January 2021, 5:16:33 am

今日日本2021馬季重新展開,而上個馬季既騎練獎項亦都公布。JRA琴日公布騎練獎項。騎師李慕華及練馬師矢作芳人成2020馬季既冠軍騎練。

李慕華上年以207場頭馬(包括指定地方及海外賽事)成為最多頭馬騎師,拋離第二名的川田將雅三十場頭馬。雖然得勝率達百分之26,但都未能成為得勝率最多既騎師。勝率最高騎師為川田將雅的百分之28.9。不過獎金方面,獎金最多係李慕華,畢竟季內取得八項JRA舉辦既一級賽(二月錦標、春季天皇賞、維多利亞一哩賽、短途馬錦標、秋季天皇賞、女皇伊利沙伯二世盃、一哩冠軍賽及日本盃)。雖然出賽次數較少,但佢仍以54分登上2020 MVJ既寶座。而三冠雌馬騎師松山弘平則以49分得第二。

詳細分數請參閱( https://www.jra.go.jp/news/202101/pdf/010403.pdf

練馬師矢作芳人以60場頭馬(包括指定地方及海外賽事)成最多頭馬既練馬師,雖然得勝率不及友道康夫,但賽駒獲得總獎金達22億日圓,成為最高獎金練馬師。季內贏四項JRA舉辦既一級賽,除了三冠外,亦於二月錦標揚威。成績出眾令呢位抗癌成功練馬師首奪優秀技術調教師獎,可謂對呢三冠練馬師既最佳禮物!

而最佳跳欄騎師就由27歲騎師森一馬贏得,季內贏得14場跳欄賽,包括憑メイショウダッサイ贏出一級賽中山大障害。

而新人騎師方面,就因冇新人騎師達三十場頭馬而從缺。最多頭馬既新人騎師係泉谷楓真,有19場頭馬。

馬匹獎項將於明天公布。

Source: JRA; Netkeiba