【2020全球馬匹 百大一級賽排名出爐】

Homan

星期二國際賽馬組織聯盟公布2020全球馬匹排名及2020百大一級賽。

高多芬賽駒「既成事實」(Ghaiyyath)憑朱德望國際錦標造出評分130,令佢成為2020年全球最佳賽駒。呢匹「杜拜威」(Dubawi)早前宣布,將肩負傳承「杜拜千禧」(Dubai Millennium)既重任。而第二名係美國賽駒Authentic,佢於美國育馬者盃經典大賽造出126分。

第三名由七匹賽駒平頭贏得,佢地同樣曾於2020年內造出125分,包括「加踏步」(Addeybb)、「露營友」(Bivouac)、「川河達駒」(Classique Legned)、「海上宮殿」(Palace Pier)、「柏斯國君」(Persian King)、「弦樂器」(Stradivarius)及Tiz The Law。

雖然日本無賽駒造出125分,但就有兩匹賽駒達124分,分別係馬后「杏目」(Almond Eye)及三冠馬王「鐵鳥翱天」(Contrail)。而現時於香港造出12連勝,「金鎗六十」就獲評124分,與兩匹日本最高分賽駒分庭伉禮。有興趣知道其他賽駒排名可到:

https://ifhaonline.org/resources/WTRRankings/LWBRR.asp?batch=76

而百大一級賽方面,或許經歷疫情,賽駒及其幕後團隊都不傾向遠征,令百大賽事大執位。百大一級賽分數由該仗頭四名賽駒所造評分既平均數得出。2019年分數最高既凱旋門大賽下跌四分至122.25,跌出頭10名。除了疫情外,亦可能因岳伯仁賽駒賽前被逼退出有關。

而2020年最高分賽事頭兩名皆為10化郎賽事,分別為朱德望國際錦標(125.25分)及愛爾蘭冠軍錦標(124.75分)。兩場都賽事「既成事實」及「變魔術」(Magical)互有勝負,不但高水準亦相當精彩。而第三名為日本盃,今年當地首次出現無敗三冠對決,不過馬后「杏目」(Almond Eye)力壓「鐵島翱天」及「謀勇兼備」(Daring Tact),賽事評分達124.5。

而香港賽事2019年最高分為香港瓶,達120.75分。2020年香港盃成全港最高分賽事,排16名,達121.25,惟當屆賽事頭三名皆為海外賽駒。而由香港賽駒奪冠既香港一哩錦標就評119.5,排29名。2019年香港國際賽日四場賽事中三場都能入選頭25名,但2020年僅得一場。疫情去到2021年仍然未見大幅好轉,香港一級賽評分會繼續低迷嗎?有興趣知道其他一級賽排名可到:

https://www.ifhaonline.org/resources/WTGradedRanking/LWGRank.asp?batch=4

Source: www.ifhaonline.org