【黃金海岸神奇百萬拍賣會Book 1第一日】

Homan

由一月八號至十四號既黃金海岸神奇百萬週歲馬拍賣會展開。Book 1由今日起將會一連四日,拍賣約八百八十匹週歲馬。

今日最高成交價為一百一十萬澳元(約五百八十萬港元),一匹出自「盡善盡美」(Exceed and Excel)既雄馬,由Coolmore投得。媽媽Dream in Colour出自「范高爾」(Frankel),即第三代上線為「天文學家」(Galileo),或可用作配出「天文學家」4S X 3D既雙重血緣子嗣,且看日後呢匹週歲馬服役成績如何。

至於香港買手方面,暫時合共買左八匹週歲馬,全部成交價都超過十萬澳元。當中大摩仔仔佐治摩亞買入左兩匹週歲馬,合共用左一百二十三萬澳元。香港馬「日日精彩」既全弟(Lot226)(約四百八十萬港元)成交,比起「日日精彩」於2017既週歲價貴超過一倍,當時其週歲價為四十二萬澳元。而另一匹則為打吡亞軍及遮打盃亞軍「凱旋生輝」既外甥(Lot 39),出自「盡善盡美」既佢,最終以三十三萬澳元成交(約一百七十萬港元)。睇下呢兩匹週歲馬到時會由邊個馬主接手,定係會比番大摩係澳洲先訓練,之後以PP身份運黎香港喇!

Source: magicmillions.com.au