【麥晴欣自己親身確認】

Homan

31 December 2019, 5:11:42 am

法國騎師麥晴欣今日係自己Twitter 公布已獲得日本地方競馬既短期客串牌照。

佢將會一月下旬展開客串期,預計會客串兩至三個月。佢會落戶川崎,相信由一月二十七號開始既川崎賽期中策騎,當中仲有日本一級賽川崎紀念賽,之後佢走遍南關東地區各大馬場。早前已有消息指佢會投考2020年既JRA騎師考試,相信今次地方客串係佢長駐日本計劃既第一步。

日本網民對於佢能夠黎客串各有睇法,有D就話非常歡迎呢位法國騎師黎日本客串,亦認為地方競馬全國協會能彈性處理非常好。不過,亦有人認為本身規距就要二百五十場頭馬或有中央實績既騎師先可以係地方客串,而家比一個只係贏到一百場多啲既騎師黎同得一場騎師賽頭馬既騎師客串好似有啲唔公道。

其實要一個贏二百五十場頭馬既騎師去日本地方競馬協會好似有d困難,咁所以一路都唔多外籍騎師係地方客串。今次NAR食到麥晴欣條水,睇黎投注額會再上升。

Source: @MickaelleMichel