Ramos

24 February 2020 at 9:55:59 am

1800米對馬王現階段嚟講好似長咗啲，同埋希望讓馬迷喺香港見到馬王多一段時間先決定唔去杜拜

昨日「美麗」系憑「健康美麗」勝出第5場三班1200米，賽後郭生接受訪問表示，「美麗傳承」年紀又大咗一歲，現時1400及1600米最佳，1800米現階段好似長咗啲；加上如果跑完杜拜返港，卻只得三個禮拜時間備戰冠軍一哩賽，或有可能避開冠軍一哩唔跑，所以決定唔去杜拜喇。嚟緊將會於香港跑多兩場，主席錦標及冠軍一哩賽，希望讓馬迷喺香港見到馬王多一段時間，賽後如健康狀況良好，會考慮遠赴日本跑安田紀念。另外，馬主亦講到「美麗傳承」「好大機會」係最後一季在港服役⋯⋯睇吓馬王會係最後一季還是反手繼續跑喇。