【香港馬主對澳洲大賽玩法有不滿?】

Tony

「川河」系馬主何家駒對The Everest嘅出賽資格有不滿。

佢表示上年出戰The Everest跑第6嘅「川河達駒」出賽席位係二手買入,而佢想用220萬澳元買未來3年嘅出賽資格,但係現有12個馬主冇人肯放個出賽席位出嚟。佢認為The Everest嘅出賽席位唔應該係用作交易嘅物品,有位嘅馬主可以憑買賣席位賺取收入,咁對有啲好馬嘅馬主買唔到位導致隻馬冇得出賽唔公平,就問點樣可以喺唔違反買位出賽呢個條件之下改善規則,例如可以增加出賽席位至14或16個,又或者係踢走一啲對比賽冇興趣嘅馬主。

新南威爾士馬會嘅CEO Peter V'landys就話明白何家駒嘅諗法,但係出賽席位就應該回饋比從Day 1開始支持呢個比賽嘅12位馬主先,直到佢哋唔要個席位為止。至於增加出賽席位,就應該要得到多數馬主同意先成事。