【香港買手於墨爾本精選拍賣會大手入貨】

Homan

一連三日既拍賣會結束,來自香港既買手合共購入四十匹週歲馬。

香港賽馬會一共購入三匹週歲雄馬,一匹為「金獎章」(Medaglia d'Oro),成交價為四十六萬澳元(約二百三十萬港元),係香港買手入面最高價既一匹、一匹為Teofilo,成交價為三十三萬澳元(約一百六十萬港元)及一匹「黃銅公子」(Brazen Beau)既子嗣,成交價為二十二萬澳元(約一百一萬港元)。當中出自「金獎章」既雄馬,半兄BRAZUCA係南非好望角打吡亞軍,睇下到時國際馬匹拍賣會既成交價可以翻幾多翻喇!

而香港練馬師姚本輝就購入左五匹週歲馬,最高價既一匹係出自I Am Invincible既子嗣,成交價為三十七萬五千澳元(約一百九十萬港元)。其半姐係出自Choisir既「出走嬌娃」(Eloping)為兩場短途三級賽既冠軍,相信佢有一定既實力。且看做完pre-training會有幾勁喇。

而曾經引入「紅衣醒神」既驛駿賽馬,就以香港買手入面第四高既價錢引入左一匹「比亞路」(Pierro)既子嗣,成交價為二十八萬澳元(約一百四十萬港元)。呢匹係其母既第六胎,其中三匹已出賽子嗣全數贏馬,睇下到時邊位香港馬主會接手喇!

Source: inglis.com.au