【餘波未了或再加刑】賈傑美誤導小組罪成 或停賽至明年一月

Homan

15 September 2021 at 6:03:46 am

八月尾澳洲維省多位騎師因違反居家令而被重罰三個月停賽，（相關報導：https://bit.ly/2Xj1rkq）但事件暫時仍未告一段落。

由於騎師薛凱華去到較後時間先被發現曾現身於該派對中，小組質疑當中有作供騎師刻意誤導或隱瞞。維省馬會指賈傑美作供時誤導董事小組，令小組於較後時間才發薛凱華曾到訪派對，一同違反居家令。根據已公開的研訊紀錄，小組早於派對翌日詢問賈傑美派對的人數及情況，但賈傑美似乎未有如實作答：

//小組：你有曾邀約其他人參加派對嗎？

賈傑美：沒有，我原意並非想邀請咁多人，我曾以短訊聯我的好朋友兼騎師Celine Gaudray。我當時想搵個人傾下，但無諗過要Celine會留低。我確實有叫佢過黎搵我，而其他人都過左黎。

小組：其他人係邊個？

賈傑美：苗康文、布浩榮（Ethan Brown）、一個佢地非騎師既朋友。

小組：係咪仲有其他女性在場？

賈傑美：係，仲有個我唔識既女性稍後到達。//

之後賈傑美有就相關事件與小組會面，但都未有提及薛凱華。直至賈傑美8月30號與小組再會面，問及薛凱華有否現身派對，賈傑美才承認。小組認為賈傑美有意隱瞞誤導，並於星期一就有關指控舉行聽證會。

賈傑美指當時之所以未有提及薛凱華，因為佢認為小組問緊當警察黎到時現場既人數，故認為唔需要提及薛凱華。而佢代表律師Damian Sheales亦指賽會不能因為遺漏而判賈傑美錯誤描述。不過，賽會就話佢地當時問得相當清楚，「有咩人出席過派對（Who was present）」，對於賈傑美將問題理解成「警察來到時有誰在場」感到難以置信。佢話當時有五個人，而這是錯誤描述，而維省馬會今日就有關案件發表判決。

最終賽會判賈傑美有意隱瞞誤導，並建議維省馬會審裁處罰賈傑美停賽兩個月。連同早前三個月停賽處分，若賈傑美需合共停賽五個月，至2022年1月底復出。

另外，薛凱華早前就刑期上訴但被駁回。而維省馬會將於今個星期稍後時間就苗康文、布浩榮相同指控舉行聽證會及判決。

Source: Racing.com, Racenet, heraldsun
Photo: Racing.com