【食過返尋味 馬昆加踏步下年再戰澳洲】

Homan

英國騎師馬昆(Tom Marquand)下星期三來港出戰國際騎師錦標賽。

由於英國冬天平地賽全部都係膠沙地賽事,前列平地騎師一係放假,間唔中上下陣。一係就會出外客串。

今次撞正疫情,要出多客串都唔容易。今年年初,馬昆於澳洲客串左一段時間,成績相當唔錯,練馬師對佢印象唔錯,大多叫佢下年再去澳洲客串。因此,佢已經入左紙申請下年年初於當地客串三個月,不過就要等當地政府審批。如果申請成功,佢會先於當地隔離兩週後就會展開客串期。

而佢既好拍檔「加踏步」(Addeybb)都有意於2021年到澳洲遠征。今年人馬合作攻下蘭威錦標、女皇伊利沙伯錦標及英國冠軍錦標三項一級賽。練馬師郗國思就話雖然可以部署「加踏步」出戰杜拜,但深信「加踏步」出戰澳洲會更合適,如情況許可,「加踏步」2021年初會以澳洲作首要目標。

至於馬昆女友杜苑欣就未必跟馬昆遠征澳洲,馬昆就話杜苑欣今年表現出色,但始終第一次到當地客串,未必可以於短時間內得到當地練馬師支持。要先隔離兩星期再只上陣六至八星期,並不化算。相信女友來年年初不適合於澳洲客串,並指佢會有其他計劃。

Source: anzbloodstocknews