【顕彰人馬】日本殿堂人馬投票公布 藤沢和雄成今年唯一入選者

Homan

7 June 2022, 2:20:17 pm

各地賽馬界都設有名人堂,以表揚對當地賽馬有貢獻的人馬。日本就由記者投票選出,得票達四分三的賽駒可以入選名人堂。

今年有一級賽九勝的「杏目」(Almond Eye,アーモンドアイ)第一次參加名人堂選舉,結果未能一發入堂,以144票,8票之差飲恨。另外同得144票嘅仲有「夏威夷王」(King Kamehameha,キングカメハメハ)。結果今年無任何賽駒被選入日本賽馬殿堂。

唔少人都對「杏目」未有被選入殿堂感意外,這匹前無古人嘅一級賽九勝雌馬,理應被選入殿堂。上一匹被選入名人堂,係2020年嘅「北部玄駒」(Kitsan Black,キタサンブラック),當然佢都唔係第一次就被選入殿堂,睇下「杏目」下年又如何喇!

另外,今年退休嘅練馬師藤沢和雄就被選為日本殿堂人馬。佢曾贏得超過1500場頭馬,更於126場級際賽贏馬,當中有34場一級賽。喺佢訓練下,名駒輩出,包括「大樹快車」、「吉兆」及「放聲歡呼」等。佢接受訪問果陣就話自己相當感謝各位支持,並認為可以被選入名人堂係無上光榮。

而被選入名人堂嘅騎師及練馬師需符合以下條件:於JRA贏到1000場頭馬、五勝一級賽及曾於從練或騎其中一年內贏得最多頭馬。


Source: nikkansports
Photo: 日本盃截圖