【韓國國際賽事】「韋小寶」報爭韓國短途錦標 日本代表暫有五駒報名盃或短途

Homan

22 July 2022 at 8:02:10 am

上星期分別有「黃金甲」報名韓國盃及「嘉應精英」及「錶之智能」就報爭韓國短途錦標。今日馬會公布再有多一駒報名出戰韓國短途錦標。

伍鵬志馬房嘅「韋小寶」亦有報名韓國短途錦標，伍鵬志任蘇保羅副練時，曾與「友瑩格」遠征日本，睇下呢個經驗能否為佢帶來幫助。如最終能成功出戰，呢位新練馬師嘅首場賽事將會係遠征賽事，且看最後能否成事喇！

另外，日本近日亦有傳媒報導，暫時有五駒報名韓國國際賽事，全數都係來自武幸四郎馬房，暫時有四駒會報名韓國盃，分別係沙特打吡亞軍「輕而鬆」（Sekifu，セキフウ）、三勝Class 頭馬Misterioso（ミステリオーソ）、日本地方二級賽ダイオライト記念亞軍Everyone Black（エブリワンブラック）及中京紀念賽出賽馬World Winds（ワールドウインズ）。而下星期報左夏季短途錦標嘅Styx（スティクス）就報左韓國短途錦標。

Source: HKJC, sanspo
Photo: HKJC