【韋紀力棄騎】賈傑美策南澳馬Behemoth爭文西錦標

Homan

17 August 2021, 12:27:17 pm

澳洲一級賽開始番黎,除左新南威爾斯今個星期六有雲絲仙子錦標外,下星期六維省都會於考菲爾德馬場上演文西錦標。

南澳賽駒Behemoth上星期六於萬富圍出戰三級賽Spring Stakes,於高詠莎(Kayla Crowther)胯下雖第二名過終點,但直路上被Beau Rossa干擾,最終抗議得直贏得三級賽Spring Stakes。練馬師賽後部署Behemoth出戰文西錦標,並希望韋紀力可以為其執韁,畢竟韋紀力曾夥拍此駒攻下上年既文西錦標及羅柏奇勒爵士錦標。

不過韋紀力決定策騎「北意山峰」(Tofane)出戰今年既文西錦標。佢於剛過去既冬天嘉年華策「北意山峰」贏得兩項一級賽——史德布克讓賽及Tattersall's Tiara。Behemoth練馬師佐禮因此決定邀請上季既維省城市冠軍騎師賈傑美出戰,而對方亦答應為Behemoth執韁,且看呢位原南澳一姐及新科冠軍騎師能否為Behemoth成功爭取衛冕喇!

Source: racenet
Photo: Atkins Photography