【隱瞞漏報】葉楚航未有上報「銀亮之風」流鼻血 押後研訊

Homan

24 March 2022 at 2:03:18 pm

今日馬會發新聞稿指賽駒「銀亮之風」喺上年12月27號晨操影片中，左邊鼻孔似乎有血，但練馬師葉楚航未有就有關情況轉介給獸醫或主任獸醫。今日小組就有關情況展開研訊。

案情指「銀亮之風」喺上年12月27號晨操後鼻孔有血，而葉楚航未有就有關情況按程序上報，以致「銀亮之風」於當日及隨後數日都未有接受有關檢查。兩位作供獸醫於觀看影片後指「銀亮之風」當天的確係流鼻血，即時裁定佢喺香港首次流鼻血。香港對於賽駒流鼻血有嚴格規定，賽駒在港第二次流鼻血，需強制退役。

小組聽取多位人士作供，包括練馬師葉楚航、葉楚航馬房助理練馬師陳文海、葉楚航馬房馬房領班葉楚倫、兩位獸醫方貝生醫生及陳偉謙醫生、葉楚航馬房工作人員及「銀亮之風」馬主團體代表陳錦榮。小組直指葉楚航從表面證供而言，佢明顯違反賽事規例。然而，小組未有喺今日作出裁決，表示現時收集到大量證據，要考慮所有證據後先會有進一步決定。佢地決定將有關研訊押後，再另擇日期重開研訊。

騎師押後研訊就見得多，而且凶多吉少。練馬師又會係點呢？就真係要密切留意。


Photo: HKJC
Source: HKJC