【關係至冰點】戴圖理與高仕登暫停合作 博彩公司睇好杜苑欣

Homan

24 June 2022, 2:11:01 am

練馬師高仕登及高素德今個星期六會派馬喺新市場上陣,以往都會由戴圖理主理大部份賽駒,不過兩人關係出現左變化。

上星期嘅皇家雅士谷賽期,高仕登開腔表達對戴圖理喺雅士谷金盃策騎「弦樂器」(Stradivarius)有意見,認為戴圖理該戰取位有問題,應贏變輸。雖然及後戴圖理策「旋進軌跡」(Inspiral)贏得加冕錦標,但似乎高仕登仍有不滿。

每當練馬師高仕登及高素德星期六派馬上陣,戴圖理都會星期四打比高仕登傾陣上指示。戴圖理經理人Peter Burrell就表示今個星期戴圖理試圖致電對方,但未有回應,及後對方亦無任何回覆。而所有星期六座騎都配上郗福年或杜俊誠。佢地就話暫時未得到對方回覆,未知戴圖理與練馬師高仕登及高素德合作關係是否已經終止。如果真係就此完結,佢地會Move on。

不過有博彩公司就似乎已經知道咁,開出誰是下一位練馬師高仕登及高素德的主力騎師嘅盤口。現時嘅大熱門係啱啱幫高仕登及高素德贏得法國橡樹大賽嘅杜苑欣,現時係4/11(約1.36倍)。其他喺個名單上面嘅仲有杜俊誠及簡國能等騎師。


Source: Racing Post
Photo: Racing Post