【金子真人堅持二十多年 終有白毛賽駒攻下經典賽】

Homan

13 April 2021 at 3:04:29 pm

白毛賽駒Sodashi（ソダシ）上星期日攻下三冠雌馬首關櫻花賞。

馬主金子真人曾養過多匹馬王，包括三冠馬王「大震撼」（Deep Impact，ディープインパクト）、「夏威夷王」（King Kamehameha，キングカメハメハ）及「黑船」（Kurofune，クロフネ）等。而佢係1990年代尾購入因基因異變既白毛雌馬Shirayukihime（シラユキヒメ），為金子真人白毛夢既開始。

基因異變白毛馬，染色體或因缺失而變白，健康亦會受影響。Shirayukihime上下兩線都不是白毛馬。而Shirayukihime能力亦不出眾，服役期間九戰僅得一季。金子真人將Shirayukihime轉任配種母馬，希望將其白毛血脈發展落去，大多與服役時於金子真人名下的「黑船」及「夏威夷王」配種。

十二匹子嗣中有十匹為白毛馬，而大多都於泥地賽成績較好。當中Shirayukihime與「黑船」既雌馬Yukichan（ユキチャン）成績最好，曾三勝地方交流重賞，包括2008年關東橡樹大賽。而Sodashi既媽媽ブチコ（Buchiko）則是Shirayukihime與「夏威夷王」配合，最佳成績為1600萬下，但退役後第一胎就誕下Sodashi，並先後攻下兩場草地一級賽，並取得五連勝。

金子真子之所以為當地有名馬主，不單其對賽馬無私貢獻，更不時為當地馬圈帶黎話題。佢而家大部分賽駒上下兩線都曾經係佢名下既賽駒。而Sodashi既父母都係金子真人名下賽駒，能夠於第三代白毛賽駒就已經有一級賽冠軍，可謂相當難得。

Sodashi能攻下櫻花賞，練馬師須貝尚介亦功不可抹，畢竟Sodashi既媽媽Buchiko出名閘廂脾氣差，須貝尚介特意於轉歲後為Sodashi既閘廂做特訓，結果取得五連勝。相信Sodashi下仗會出戰日本橡樹大賽，爭奪三冠雌馬第二關。希望Sodashi可以繼續取得頭馬，延續這個白毛夢！

Source: Netkeiba
Photo Credit: 富士電視台