【量刑標準】香港賽馬會設客觀標準釐訂不小心策騎紀錄好壞

方顯韜於記者會中新標準唔單止加重經常犯規騎師的刑罰，同時亦都減輕甚少犯規騎師的刑罰，希望變相鼓勵安全策騎。方顯韜就話參考左澳洲嘅類似制度，再引入香港。即使香港不小心策騎次數由2020/21馬季84次逐季遞減至上季嘅63次，佢認為有關制度可以更令騎師陣上注意安全。

新標準將騎師策騎紀錄分為六級，以騎師近200場出賽紀錄計算，犯規時處於第一至三級可獲減刑，第四級騎師則不影響刑罰，第五至六級騎師就需加刑。

第一級：近200場上陣未有犯不小心策騎，可獲扣減一日停賽及扣減兩日罰款

第二級：近200場上陣犯不小心策騎一次，可獲扣減一日停賽及扣減一日罰款

第三級：近200場上陣犯不小心策騎兩次，可獲扣減一日罰款

第四級：近200場上陣犯不小心策騎三次。

第五級：近200場上陣犯不小心策騎四次，需增加一日停賽及增加半日罰款

第六級：近200場上陣犯不小心策騎五次或以上，需增加一日停賽及增加一日罰款

罰款會根據騎師平均一個賽日的收入計算，上限為6萬港元。如一位騎師於陣上犯不小心策騎，董事判罰佢停賽四日及罰款兩個賽馬日平均收入。當呢位騎師屬於第一級騎師（即近200場上陣未有犯不小心策騎），董事考慮完佢嘅策騎紀錄後，佢就應該只需停賽三日及唔需要繳交罰款（第一級騎師可獲扣減一日停賽及扣減兩日罰款）。但如果呢位屬於第五級騎師（即近200場上陣犯不小心策騎四次），董事考慮完佢嘅策騎紀錄後，佢就需要停賽五日及繳交兩個半賽馬日平均收入嘅罰款（第五級騎師需增加一日停賽及增加半日罰款）。

方顯韜希望新季以以上嘅計算方法，更客觀將有關紀錄呈現比騎師甚至公眾，亦希望以呢個方法更客觀咁量刑，尤其是唔係用一季作計算，而係用騎師近200場出賽，意味著到訪騎師都受此限。

另外方顯韜亦於記者會中表示新季嘅不小心策騎亦會分三級，並會以低、中及高三級去判別唔同嘅陣上犯規，相信有助佢地客觀地量刑。但無論騎師陣上犯規屬邊一級，對於不小心策騎紀錄而言都只係屬於一次犯規。

首席受薪董事方顯韜上季中接任後，拿捏陣上犯規嘅尺度與上任董事有唔同。潘頓亦曾透露傳媒表達不滿，周俊樂亦被指控未盡力策騎以押後研訊，最後指控未有成立。今季新設呢個標準，究竟騎師們又會點樣理解呢？或者要等開季一段時間後先會知道喇！

Source: SCMP, On.cc

Photo: HKJC

==============================

Telegram公海：https://t.me/GoldRacing

YoutubeChannel：https://www.youtube.com/c/GoldracingHK競馬知舍

Instagram：https://www.instagram.com/gold.racing/

Patreon：https://www.patreon.com/hkgoldracing

FacebookPage：https://www.facebook.com/HKGoldRacing

Twitch：https://www.twitch.tv/goldenrace

賽馬新聞：https://www.hkgoldracing.com/news-1