【重返右轉場】何澤堯本週兩勝 三級賽策冷門奪亞

Homan

15 August 2022 at 8:49:47 am

而家喺日本客串嘅騎師何澤堯今個星期轉到九州嘅小倉繼續客串。今週喺黎到日本後第一次喺右轉馬場上陣，結果12匹坐騎以兩冠兩亞一季完成今週賽事。

何澤堯分別喺星期六同星期日都有頭馬進帳。星期六第十場佢策清水久詞馬房嘅Wind Ripper（ウィンドリッパー）贏出兩勝Class 柳川特別。賽後佢接受訪問就話「著住絲綢會呢件綵衣贏馬係相當特別。呢件綵衣有『杏目』及『耀滿瓶』等名馬，可以著住呢件綵衣影頭馬相實在太好了。」

似乎熟習左場地，星期日成績比星期六好。何澤堯七匹坐騎取得一冠兩亞一季。當中喺兩歲新馬賽策Balsam Note（バルサムノート）攻下頭馬，為今次遠征之行嘅契約馬主吉田勝己取得頭馬。賽後何澤堯就話Balsam Note能力唔錯，讚賞該初出馬達級際賽級數。

何澤堯去到下半場越戰越勇，第六場憑Grow Legend（グローレジェンド）取得一席季軍。第九場策T O Sparrow（テーオースパロー）終點同Toho la Vie en（トーホウラビアン）幾乎同時觸線。結果T O Sparrow電眼判決下得亞軍。而去到三級賽小倉紀念賽，何澤堯因磅位問題無得騎「銀元流通」（Piece of Eight，ピースオブエイト），轉騎冷門馬Hindu Times（ヒンドゥタイムズ）下，後追一席亞軍，成績比原坐騎更好。賽後日本網民延續上星期，給予唔少好評比何澤堯：

「ホー騎手は人気薄を持ってくることが多いですよね。
一度や二度ならたまたま馬が激走することもあるからなんとも言えないですが、こう度々あればやはり騎手の実力なんでしょうね。」

翻譯：何澤堯都有唔少冷門馬。如果佢嘅冷門馬一、兩隻跑得好都可以話馬本身好，但經常有呢啲情況就會係騎師嘅實力。

「やっぱ、ホー。すげーわ。さすが香港の名手。」

翻譯：真係犀利呢！不愧係香港嘅有名騎師！

「ホー日本で通年取れよw」

翻譯：何澤堯全年都喺日本策騎啦（笑）

以上留言出自：https://db.netkeiba.com/?pid=horse_board&id=2016104851

預計何澤堯下週仍會喺小倉上陣，而最後一個星期會番北海道札幌出戰騎師賽。

Source: netkeiba
Photo: HKJC