【酷暑跑馬】郭能昨中暑脫水退出 賽事會因炎熱天氣取消嗎？

Homan

5 July 2021 at 2:40:30 pm

騎師郭能於琴日第三場賽事上陣後，因中暑及脫水而被逼退下火線。

近年全球受到極端天氣影響，香港於五月下旬至九月都不時錄得三十度以上氣溫。再加上香港濕度較高，中午於猛烈陽光下運動，可謂相當唔容易。香港近年曾因社運、何君堯、天雨或颱風取消賽事，但賽事近年未因酷熱天氣取消。翻查賽事規例，馬會似乎未就酷熱天氣取消賽事定下規範或準則。

參考其他國家，澳洲近年不時於十二月受熱浪侵襲。四個當地主要賽會，維省、新南威爾斯、南澳及西澳都有就酷熱天氣取消賽事定下規則。一旦當地天氣達到一定溫度就採取不同措施如確保有足夠既水比馬匹飲用甚至取消賽事。佢地除左根據環境溫度外，亦都會以暑熱壓力指數為其中一個標準。環境溫度即我地平時天文台會公布既氣溫。暑熱壓力指數（WBGT）則除氣溫外，同時亦會計算濕度及輻射熱。當WBGT達28至32度時，賽會會考慮延遲或取消賽事。

而香港騎術學校都有以WBGT指數設定限制戶外策騎活動。如WBGT達28-30，應於圍欄外設冷卻設施及飲水處。而WBGT達30-32，應將體力要求較高運動轉到傍晚時段，避開酷暑。WBGT達32-33，如馬匹需於陽光下活動，只允許馬匹步行。當WBGT高於33，所有策騎活動需暫停。

參考資料：https://corporate.hkjc.com/corporate/common/images/jc-news-and-activities/equestrian/Hotweatherridingrule.pdf

天文台只會公布兩個地方與WBGT計算方法接近的暑熱指數，分別為京士柏及雙魚河。雖然翻查琴日資料，雙魚河暑熱指數於11點高於30，其餘時間都低於29。而京士柏則於12點半至2點都高於30。若根據琴日既賽事片段，馬會於場邊都有足夠既水比馬匹，但馬會基於咩標準預備就不得而知。日本全年都有賽事，雖然於夏季轉到天氣較涼地區舉辦賽事，但近年當地仍然酷熱，故當地馬會會於沙圈旁及閘前加設吹風機，為馬匹降溫。未知馬會會否考慮引入相關設備，即使香港非全年跑馬地區，但酷熱天氣近年已不是抖暑期間專利。

講番郭能，郭能最低造磅應為120磅。郭能琴日可能因無飲水去造磅。琴日其座騎中，最低磅為122磅既「勁得手」。翻查其復出後所有座騎中，最低造磅為121磅，如「噴火龍」、「真感」及「電訊飛彈」等。如於酷熱天氣下，郭能又未能補充足夠水分，出現中暑情況可以理解。畢竟每個人體質唔同，西伯利亞人於零下兩百七十三度先會話凍，高登仔更加只會話「最近天氣開始轉涼了！」。所以都好難郭能唔捱得。當然，有不少馬迷或投注騎師王而被逼通殺，有怨言當然可以理解。但相信經過早前潘頓及琴日郭能後，馬迷應該更加明白投注騎師王彩池需承擔埋騎師傷出風險。

Source: Racing SA, Racing NSW, Racing Victoria, RWWA, HKJC, HKO
Photo: HKJC