【遠征之後再算】「雍容爾雅」及「綠化帶」跑完秋季嘉年華先

Homan

19 January 2022, 8:39:31 am

兩匹澳洲頂駒賽駒「雍容爾雅」(Verry Elleegant)及「綠化帶」(Nature Strip)同屬華禮納馬房。

練馬師華禮納早前透過傳媒表示有意部署三駒於今年稍後時間遠征歐洲,當中包括「雍容爾雅」及「綠化帶」。

兩駒早前已經恢復訓練,而「綠化帶」甚至已經諗秋季嘅第一場賽事。佢將會以閃電錦標為其秋季第一場賽事。早前試閘表現亦相當唔錯,仲話「綠化帶」越老越進步,完全唔覺得有退步嘅跡象。而幕後就話雖然佢地有意遠征皇家雅士谷,但現時仲未收到當地發信邀請。

墨爾本盃冠軍「雍容爾雅」就會以凱旋門大賽為大目標,至少而家幕後仍然希望帶呢匹馬女到當地上陣。佢將會喺聽日試閘,並備戰秋季嘉年華賽事。秋季目標當然係女皇伊利沙伯錦標,老對手「加踏步」(Addeybb)今年因傷唔會前往澳洲出賽,睇下呢匹馬女係咪可以輕易贏一次呢項一級賽喇!


Source: Racing.com
Photo: Racing Photos