【遠征一級賽冠軍】日本名駒「大樹快車」逝世 享年28歲

Homan & Ramos

17 August 2022 at 2:57:49 am

日本引退馬協會宣布，日本名駒「大樹快車」（Taiki Shuttle，タイキシャトル）今早五時左右於馬房離世，享年28歲。

引退馬協會引述獸醫指「大樹快車」似乎喺睡夢中離世，死因係年老造成嘅心臟衰竭。協會就話Northern Lake（ノーザンレイク）嘅牧場長川越就話琴晚十點離開馬房時仲見到佢好精神，「大樹快車」亦同往常一樣好好胃口，可惜今早就從睡夢中離世。

「大樹快車」出自美國種馬 Devil’s Bag，生涯13戰11勝1亞1季，從未甩過三甲，屬早期「二刀流」之輩。「大樹快車」由前練馬師藤沢和雄訓練，出道雖只得短短兩年，但成就非凡，兩度成為最優秀短距離馬。

踏入1998年大放異彩，先在安田紀念，以無敵姿態擊敗香港馬王「奔騰」。繼而代表日本遠征法國多維爾出戰傑克莫華大賽，力拒一眾歐洲一哩強豪凱旋而歸。同年更選出成為年度代表馬，翌年更當選成為殿堂馬。

退役轉任配種馬，曾有兩匹子嗣攻下一級賽，分別係Meisho Bowler（メイショウボーラー）贏得二月錦標冠軍及Win Kluger（ウインクリューガー）攻下NHK一哩賽。佢於2017年喺種馬行列引退。

Source: スポニチアネックス
Photo: 賽事截圖