【進度良好】嘉里康復進度良好 預計三至四星期後重回馬背

Homan

7 March 2022, 12:00:56 pm

澳洲騎師嘉里喺2月4號墮馬受傷,當時報告指佢第T7節椎骨有骨裂,預計需要休養至少六星期。(相關報導:https://bit.ly/3AYfFXR)。

上星期六SCMP報導指呢位澳洲騎師指自己現時康復進度唔錯,並可以喺接落黎嘅日子做一啲負重訓練。雖然現時頸都仲有啲痛,但相信可以喺幾星期內解決。

今次已經喺佢第二次椎骨骨折,佢話最佳康復方法就係攤喺到唔移動。今次佢都用番呢個方法令自己康復,不過佢自從醫院番到屋企休養果陣就覺得孤單,畢竟佢嘅妻子同兒子仍然喺澳洲。

佢希望自己可以喺三至四星期後可以重上馬背操馬,屆時視乎情況再決定幾時復出。佢就話呢段時間令佢流失啲坐騎,但佢會努力與練馬師打好關係,爭取復出時嘅坐騎。

策騎多年,令佢知道賽馬世界有起有跌,對未來仍然相當樂觀。希望呢位來自維省嘅騎師可以早日復出。

Photo: HKJC
Source: SCMP