【連環墮馬】三騎師不同程度骨折 「妙發靈機」骨折

Homan

13 December 2021 at 5:21:45 am

琴日喺香港短途錦標發生連環墮馬意外，隨著一輪檢查後，已確認三位騎師及另外兩匹賽駒嘅情況。

馬匹方面，受意外影響嘅日本賽駒「妙發靈機」（Pixie Knight，ピクシーナイト）雖於即場檢查中未有外傷，但於檢查後發現左前腳有骨折，而右後腳亦有扭傷。另外賽後報告亦指其氣管內有很多血。相信回日後仍要休養一段長時間。而香港賽駒「錶之未來」就無任何異常。

騎師方面，希威森傷勢較為嚴重，其盤骨骨折。有消息就話佢唔需要做手術，但需要於深切治療部留醫。而SCMP指潘頓仍同樣於深切治療部留醫，其上半身有數處骨折或骨裂，包括鼻骨、肋骨，相信都要休養一段時間。

訪港騎師褔永祐一喺 Racing Bubble下送院，消息黎得比較遲，檢查過後證實左鎖骨骨折。其太太松尾翠於Instagram表示擔心，尤其於出入境限制下未能前來探福永，但福永意識清醒，可以講到野而且可以走動，佢已經覺得好好彩，佢表示自己會喺日本靜候福永回家。

希望受傷人馬盡快康復！


Source: SCMP, HKJC, サンケイスポーツ
Photo: HKJC