【造成艾擎斯墮馬 布文被罰停賽六星期】

Homan

上星期六布文策騎Smart Image撬位推進,令到艾擎斯墮馬嚴重受傷,多處骨折。

根據Fairfax Media報導,今日研訊結果裁定布文需負上責任並罰佢停賽六星期。布文於研訊時否認其不小心策騎指控,佢對意外感到歉意,並已向艾擎斯道歉。佢就話當時結果並唔係可以由佢完全操控,並認為放頭既Mr Colorful (史科菲策騎)既走位都有份造成今次意外結果。不過,史菲科被詢問呢一點時就唔同意Mr Colorful既走位對今次意外有影響。

布文進一步指出當時多個角度鏡頭顯示佢有足夠位置推進,並預計與艾擎斯座騎Hot 'N' Hazy會有少許接觸。但因Hot 'N' Hazy力弱,為造成今次意外既其中一個原因。因此佢認為今次意外結果並非其一人完全可以控制。同時佢對事件感後悔,不過由於呢個決定要係電光石火(呢個先係正字)間作出。從結果而言,佢促成呢場可怕既意外。董事就表示今次既意外與布文平時既跑法有所不同,並指出停賽六星期呢個決定係相當困難。

Source: Racing.com