【逃過鬼門關】騎師Leah Kilner可接受專訪 逐步康復

Homan

9 August 2022 at 1:11:08 pm

上月初於葛夫頓馬場因墮馬而昏迷嘅Leah Kilner。由深切治療部留醫到露面接受傳媒訪問，只係事隔一個月多啲。

佢話自己喺8月1號開始有番記憶。當時喺醫院佢見到媽媽，以為媽媽出現喺自己嘅夢入面，但佢慢慢回憶番7月3號嘅墮馬畫面先知道自己差啲無命。而家佢已經可以離開輪椅行一陣，同時亦可以寫野同講野。對於一個曾經重傷嘅人而言，進展相當唔錯。

佢現時喺布里斯班嘅醫院做復康治理，間唔時都可以番屋企幾個鐘。佢就話自己雖然唔能夠經常用電話，但收到唔少人嘅鼓勵信息，佢相當感謝大家支持。

佢未知自己能否再次以騎師身份跨上馬背，但佢絕對希望再次騎下馬。現時未知會唔會再做番騎師，但佢現時第一短期目標就係出席好友Bianca於11月嘅婚禮，喺婚禮到講野。佢會努力令自己盡快康復！

加油！

Source: Racenet
Photo: Grant Peters, Trackside Photography