【逃過鬼門關】「歡暢今宵」經歷兩手術 健康重回正軌

Homan

8 January 2022, 2:35:46 am

「歡暢今宵」(Wonderful Tonight)上年九月因傷宣布退役,之後專注治理傷患。事隔近四個月,練馬師文令山(David Menuisier)透過傳媒表示「歡暢今宵」早前經歷兩手術,情況更一度危急。

「歡暢今宵」因腳部骨折退役,並需要接受手術,但第一次手術後該駒絞腸痧,情況極不理想,並出現生命危險,但「歡暢今宵」短時間需要接受兩個手術亦唔容易。結果幕後決定賭一鋪,讓「歡暢今宵」再接受絞腸痧手術。

結果,奇蹟降臨喺「歡暢今宵」,手術順利並現時康復進度良好。文令山就表示英國新市場馬匹醫院做得相當好,「歡暢今宵」亦相當堅強,成功抵受短時間內接受兩個手術。

「歡暢今宵」手術後大幅跌磅,但隨著健康好轉,佢嘅體重亦慢慢回升。佢稍後將會入住Stratford Place Stud。如情況理想,佢或已經可以喺今個春季配種。不過一切都要睇佢嘅康復程度而定。


Source: Racing TV
Photo: Racing Post