【退休呼喚】「真心呼喚」種馬行列引退

Homan

21 June 2021 at 3:01:13 pm

今年「真心呼喚」（Heart's Cry，ハーツクライ）未有配種，網上早有流言指「真心呼喚」會從種馬引退。今日社台宣布「真心呼喚」會從種馬引退，而由於今年未有配種，故今年出世既子嗣會係佢最後一批子嗣。

「真心呼喚」服役時最令人印象深刻一仗為2005年有馬紀念賽擊敗三冠馬王「大震撼」（Deep Impact，ディープインパクト），之後更攻下杜拜司馬經典賽。「真心呼喚」於2006年尾退役，並開始配種生涯。

「真心呼喚」子嗣於2010年開始出道，產出不少一級賽冠軍，包括日本打吡冠軍「天下唯一」（One And Only，ワンアンドオンリー）、杜拜草地大賽冠軍「一路通」（Just A Way，ジャスタウェイ）及「雍容白荷」（Lys Gracieux，リスグラシュー）等。「真心呼喚」將會繼續住係牧場，頤養天年。


Source: nikkansports
Photo: 2005有馬紀念賽賽事截圖