【轉換環境】李寶利將離加州 到美國另一岸發展

Homan

7 March 2022 at 1:42:09 am

意大利騎師李寶利2020年與家人轉到美國加州發展，屬於加州前列騎師，更於2020年與當地冠軍騎師柏列特爭到你死我活，以一場之差失落當屆冠軍騎師。

由於近年加州賽事規模縮少，出馬數目亦較之前少。騎師亦因此少左好多機會上陣。李寶利因此決定再出走，到美國東岸紐約上陣。

佢將會長駐紐約州馬場，主力喺貝蒙園及沙拉托加馬場上陣。對於呢位曾經喺日本、法國、香港等地上陣嘅騎師，轉移陣地相信並不陌生，而家人今次亦會跟隨佢嘅腳步到紐約生活。經理人Mike Sellitto將會協助佢尋找坐騎，Mike已經於紐約馬圈活躍多年，相信可以令李寶利有穩定支持。

另外，當地冠軍騎師柏列特亦有意出走加州，佢預計自己會喺四月聖雅尼塔打吡後離開加州，並會先於堅蘭園上陣。夏天會與李寶利到紐約重聚。不過與李寶利唔同嘅係佢會喺年尾番到加州。佢嘅目的係想趁呢個機會爭一爭日蝕獎。睇下佢可唔可以做到喇！

Photo: HKJC
Source: pastthewire / paulickreport