【賽駒托兒所?】練馬師韋嘉:出售賽駒或令英國賽駒現斷層

Homan

3 September 2021, 2:56:58 pm

今個星期初,Racing Post發布一篇關於英國賽駒被售予其他國家,令英國彷似為其他賽馬地區提供托兒服務的文章。Racing Post訪問練馬師韋嘉(Ed Walker)時表示有陣時冇乜選擇,只能目送賽駒外流。而這個生態相信會對英國馬圈帶來影響。

練馬師韋嘉這個名字相信香港馬迷唔會陌生,佢除左曾經派「極地風暴」(Stormy Antarctic)來港作賽,亦訓練過唔少來港自購馬,最為人熟悉一定係「歡樂之光」及「帝國驕雄」(Glorious Empire)。前者曾攻下一級賽香港盃。而後者來港後一出即勝後因健康問題退役,轉到美國贏得一級賽Sword Dancer Stakes。

作為出售賽駒較多的練馬師,韋嘉認為售出賽駒為佢既事業帶來唔少好處,但佢份CV受到不少影響。至少佢因為出售左「歡樂之光」及「帝國驕雄」,而令佢既第一個一級賽冠軍要到今年七月先贏得(七月盃——「星光俠」(Starman))。不少中小型馬主通常接到報價後都傾向出售,始終佢地認為賽駒於英國作賽難以贏到報價同等的獎金。而作為練馬師只能看著賽駒出售。

韋嘉認為頂級賽駒未必容易外流,畢竟擁有佢地既馬主都係大馬主。雖然近年不少大馬主如鴨都拿王子及咸頓酋長離世,但外國買手要購入頂級賽駒仍有難度。反而韋嘉比較擔心英國二班賽駒至三級賽賽駒外流,畢竟現時擁有呢啲賽駒既馬主有啲係中小型,佢地會因報價吸引傾向出售賽駒。現時佢地確實流失這一個分區既賽駒,令英國賽事漸現斷層,賽事水準受影響。

Source: Racing Post
Photo: Racing Post