Homan

3 March 2020 at 1:34:02 am

英國賽馬會公布今夏將會另類大賽上演，六個賽馬日，共三十六場賽事組成既Racing League將會係七月十六號展開。

聯賽將會係四個唔同馬場上演，分別係唐卡士打、紐卡素、嶺飛及溫沙。

每場賽事總獎金為五萬英鎊（約四十九萬港元），同一啲 Class 2 賽事獎金相約。聯賽最多只會有十二隊參加，每個隊伍會由二至四個練馬師組成，而每隊亦需有三位騎師。整個隊伍會有三十匹賽駒，以應付三十六場由一千至二千米既賽事。每場賽場每隊只需派一匹馬上陣，而所有賽事都為九十分上限賽事，即高分馬唔會出現係呢啲場合，以增加競爭性。

除左每場賽事既獎金外，當然都會設有隊制競賽。每場賽事既冠軍可為隊伍帶來25分、第二獲18分、第三則獲15分，第四至第十名皆可獲得分數。整個聯賽既優勝隊伍團隊，包括馬主、練馬師、騎師、馬房助理及賽事開始前係公眾揀選出黎既隊伍大使，都可以獲得額外獎金。

今次呢個變動無疑可以令人更加關注九十分或以下賽駒既賽事，亦都可以令一啲比較靜既馬場帶黎生氣，令馬迷投入程度都有所增加。賽制無疑同一級方程式既模式差唔多，睇下可唔可以好似F1咁吸引到大家目光喇！玩下手叫Netflix 拍番套 Ride for survive 都幾好。

Source: At the Races

宣傳片傳送門： https://youtu.be/9IvQRxr2d00