【賽程改革】英國減賽事 允外來賽駒出戰低班賽

Homan

20 October 2022, 5:24:55 am

今年英國平地賽季喺暑假不時出現一場得幾匹賽駒上陣嘅賽事,早前唔少練馬師曾開腔要求減少賽事,使每場賽事嘅獎高得以提高。

但英國馬會喺公布2023年賽程時並無減少任何賽日,被唔少練馬師批評賽會並無聆聽佢地嘅意見。而英國馬當時就話因為2023年嘅賽程早已訂立,如要減少賽日就要等到2024年。故於賽日編排上並無太大變動。

英國馬會召開會議商議改善方案並喺琴日公布就2023年賽事編排作出改動,當中涉及平地賽及跳欄賽。英國馬會將預計減少約170場於七至八月舉行嘅賽事。

於七至八月舉行嘅獎金少於20萬英鎊嘅平地賽日,只會編排六場賽事,如報名踴躍先至會拆組,預計會有120場原本喺呢兩個月舉行嘅賽事會取消。不過,去到十至十一月嘅膠沙地賽事,呢類賽日可以最多編排八場賽事,意味著,呢啲喺暑假取消左嘅賽事可以加番落呢段時間。

跳欄賽事則同樣,於七至八月舉行嘅獎金少於20萬英鎊的平地賽日,只會編排六場賽事,如報名踴躍先至會拆組,預計會有40至50場原本喺呢兩個月舉行嘅賽事會取消。而十至十一月嘅跳欄賽事就可以加番10至15場落唔同賽日。

另外,英國馬會亦公布來年允許非英國練馬師派馬出戰低班讓賽,以確保英國賽事有足夠賽駒上陣,而英國練馬師有優先出賽權。或許未來可以睇隨行嘅伴跳賽駒於當地低班賽事中上陣。

英國馬會營運總監Richard Wayman就表示佢地好開心有關協議可以咁快達成並可以就英國賽馬嘅競爭力問題作出改善。現時只係一啲微細嘅改動,佢地期待可於明年就根本問題作出更大改革,以確保英國賽馬得以延續。

馬主協會代表Charlie Liverton就話參與賽馬嘅人,包括馬主及馬迷都對現時賽事編排曾表達意見。佢地樂見今次會議所帶來嘅轉變,同時期待未來嘅長遠改革。


Source: Racing Post
Photo: Racing Post
==============================
Telegram公海:https://t.me/GoldRacing
YoutubeChannel:https://www.youtube.com/c/GoldracingHK競馬知舍
Instagram:https://www.instagram.com/gold.racing/
Patreon:https://www.patreon.com/hkgoldracing
FacebookPage:https://www.facebook.com/HKGoldRacing
Twitch:https://www.twitch.tv/goldenrace
賽馬新聞:https://www.hkgoldracing.com/news-1