Hot Rod Charlie喺啱啱過去嘅三歲馬季唔算非常突出，但於三歲雄馬中亦屬數一數二嘅賽駒。雖然只於一級賽賓州打吡贏馬，但佢喺肯塔基打吡跑入季軍，亦於貝蒙錦標跑入亞軍。同時佢亦以三歲馬身份出戰育馬者盃經典大賽，結果取得第四名。
佢將會以二月四號嘅麥通第二輪挑戰賽（二級賽，泥地1900米）為海外首戰，之後就會備戰今屆嘅杜拜世界盃。雖然Hot Rod Charlie需要飛好多個鐘先到杜拜，練馬師Doug F. O'Neill表示樂觀，認為Hot Rod Charlie相當喜愛遠征，而且杜拜馬會安排通常都唔會有問題，所以佢地相當放心備戰。
