【負磅問題解決!艾兆禮策騎「友情比金」戰楠索普錦標】

Homan

美國練馬師華特既「友情比金」(Golden Pal)於諾福錦標跑入亞軍。幕後決定讓呢匹兩歲馬出戰下星期伊波賽期既短途一級賽楠索普錦標。

由於以兩歲馬身份出戰,佢只需負113磅上陣。而上仗策騎「友情比金」既艾兆禮過去12個月最低造磅為116磅。艾兆禮就話佢唔需要擔心因為負磅問題而騎唔到,因為本身可以超三磅及因武肺之故而避免騎師去桑拿造磅而可以再有三磅寬限,所以佢只要做到119磅就可以喇。當然佢都唔希望超太多,佢預計自己可以做到115磅上陣,令座騎可以有足夠競爭力爭勝。

練馬師華特2017年曾派當時三歲既「奧維李雅」(Lady Aurelia)出戰楠索普錦標,但終點前輸條鼻毛比「天將瑪莎」(Marsha),屈居亞軍。「友情比金」今次將要面對「巴特殊」(Battaash),相信要贏都相當困難。

Source: Racing Post