【變種病毒】各地政府急封關 或影響外國騎練來港意欲

Homan

29 November 2021, 1:34:02 pm

由於世界各地都有新型變種病毒個案,各國政府突然收緊從外國回國人士政策。現時各國針對非洲南部等國入境人士進行檢疫,並於入境後強制隔離。

早前報導指,各國前來參加香港國際賽週嘅騎師及練馬師都會由馬會安排私人飛機來港,並會接受Racing Bubbles舉行賽事,前來香港相信問題不大。

據SCMP報導,雖然Bubbles下應該萬無一失,但馬會總裁應家柏就表示:「現時有啲國家或地區政府就疫情嘅風險制定政策,而係根據輿論及公眾恐懼。」(Decisions are not any longer based by some governments on risk but on public opinion and fear),因此有機會會對參賽後回國嘅騎師實施長時間隔離,令騎練來港意欲大減。

將會喺下星期來港嘅騎師麥道朗及連達文將會於下週初來港參加國際騎師錦標賽,連達文亦會喺國際賽上陣。麥道朗計劃參加國際騎師錦標賽回澳,若按現行規定,回國自行72小時,再前往昆士蘭策騎。若澳洲政府加強檢疫措施,要佢回國後先於酒店隔離14日,佢表示自己唔希望於任何地方滯留,或影響佢來港意欲。佢將於本週三決定是否來港出戰。

而聽日起禁外國人入境嘅日本,亦有機會令到兩位來港策騎嘅日本騎師卻步。日本騎師川田將雅將會出戰國際騎師錦標賽及國際中上陣。而福永祐一亦會來港喺國際賽上陣。若根據早前日本政府政策,從海外到日本嘅公民,需要隔離10日先可以自由活動。兩位騎師預計自己會於國際賽後14日後於有馬紀念賽上陣。計埋賽事前於星期馬嘅前檢日,姐係話佢地最多只可以隔離12日。究竟當地政府會就住變種病毒改變政策,將會影呢兩位騎師嘅來港意欲。

當然英國及法國亦有機會改變政策,相信會唔會有齊曬原本預定嘅所有騎師來港出戰國際騎師錦標賽仍屬未知數。另外,岳伯仁一對日本盃參戰馬「波爾明」(Broome)及「日出之國」已確定唔會來港出戰。後者將會退役,於德國擔任種馬。

Source: SCMP, HKJC
Photo: HKJC