【試閘墮馬】嘉里今早試閘墮馬送院治理 至少缺陣兩個賽日

Homan

4 February 2022, 8:56:56 am

澳洲騎師嘉里(Luke Currie)上月尾初次來港上陣就憑「團結必勝」取得頭馬。不過,佢今日策「八威小子」喺第三組試閘墮馬,令佢要缺陣至少兩個賽日。

據SCMP報導,當時嘉里策「八威小子」出試今日第三組試閘,由於馬鞍滑移而墮馬,救護員隨即趕到去嘉里旁邊。最終佢需要由擔架抬上救護車送院,當時佢清醒並可與救護員交談,而且手肢都可以郁動。佢送到威爾斯醫院接受進一步檢查。

而根據外電(Racing.com)報導就話佢檢查後並無嚴重受傷,並轉到香港賽馬會旗下醫院作進一步治理。牌照委員會秘書貝義理指馬會首席醫療主任建議嘉里需缺陣直至另行通知,佢地會等馬會首席醫療主任檢查嘉里情況適時建議嘉里復出策騎。初步預計嘉里至少缺陣兩個賽日。

早前受傷嘅巫顯東,佢已通過首席醫療主任嘅檢查並將會喺今個月7號開始操番馬,最快可以喺12號星期六賽日再次上陣。

Source: SCMP, Racing.com
Photo: HKJC