【計錯數 莫艾誠復出計劃延遲】

Homan

13 March 2021 at 1:59:16 am

莫艾誠早前因為藥檢樣本對可卡因呈陽性而停賽，本來於3月12號刑滿復出。

莫艾誠琴日於社交媒體宣布，復出日期因「行政錯誤」而需要延遲。由於佢因對可卡因呈陽性而停賽，英國馬會規定相關停賽騎師需要於復出前驗尿四星期。據知，莫艾誠於2月22號通知英國馬會即將復出，英國馬會有提醒相關驗尿程序。

由於莫艾誠仲差一次尿檢，因此佢唔可以如期於3月12號上陣。若2月22號為第一次尿檢，第四次測試應為3月15號。莫艾誠原定於昨、今兩日於嶺飛及湛士福城復出，不過其座騎受事件影響需易配。

因自己突然未能如期復出，莫艾誠對所有受影響既練馬師、馬主及支持者致歉。

Source: Racing Post