【蘿蔔會官宣】「樂透心」留日戰大阪盃 春季或只戰兩一級賽

Homan

1 February 2022, 12:07:20 pm

日本2021年年度代表馬「樂透心」(Efforia,エフフォーリア)於跑畢有馬紀念賽後,有意部署留日出戰大阪盃。

今日「樂透心」所屬的蘿蔔會(Carrot Club)透過其網站公布,「樂透心」將唔會出戰杜拜賽事,而會如之前Carrot Club代表及其他報導所言,決定留喺日本出戰大阪盃。

練馬師鹿戶雄一就話會喺大阪盃前三至四星期安排「樂透心」番馬房備戰。幕後表示如果大阪盃成績理想,且狀態許可,佢地會安排「樂透心」出戰寶塚紀念,意味著該匹年度代表馬春季只會出戰兩場一級賽。

除左「樂透心」外,蘿蔔會亦公布左另外三匹旗下賽駒嘅下一個目標。當中希望錦標冠軍Killer Ability(キラーアビリティ)將會直接進軍皐月賞,並唔會出戰任何前哨戰。而上年尾遠征香港嘅「拉丁城市」(Resistencia,レシステンシア)及「麗冠花環」(Lei Papale ,レイパパレ)都決定好下一個目標。「拉丁城市」下仗將以高松宮紀念賽為目標,而「麗冠花環」則會進軍二級賽金鯱賞,未知之後會否爭取衛冕大阪盃。

Source: スポーツ報知
Photo: 有馬紀念賽截圖