【蘭域上演多項級際賽「投機法寶」瞄準葉森讓賽】

Homan

2 October 2020, 4:07:22 pm

除左維省之外,新南威爾斯蘭域亦會上演多項級際賽。一級賽方面有三歲雌馬一哩航班錦標、大都會錦標及葉森讓賽。另外,二級賽首演錦標亦都係值得留意,兩匹The Everest參賽馬都會上陣。

全日最高獎金既葉森讓賽,上年葉森讓賽冠軍Kolding決定退出,轉跑同另一場二級賽。上仗於1400米三級賽Bill Ritchie Handicap復出贏馬既「投機法寶」(Probabeel)今仗再增程多200出戰,且負較輕磅,應更合發揮。而練馬師華禮納雖然有Kolding退出,但仍有六匹賽駒上陣,當中佐治文斯錦標亞季軍Star of the Seas同「造像」(Imaging)都會出戰,分別交由羅理雅及麥道朗策騎,排得最內及最外檔。而今年表現較失望既「樂趣星」(Funstar)則交由薄奇能策騎,排得19檔。澳洲橡樹大賽冠軍「花都教主」(Colette)則排10檔配上金美琪出爭呢項大賽。而今季暫無任何接近走勢既唐加士打一哩賽冠軍「一塵不染」(Nettoyer)則排11檔。

而大都會錦標方面,現時既大熱門係Australian Bloodstock 旗下現時三連勝中既Mugatoo,上仗於Newcastle輕鬆贏得三級賽。上仗對手雖然不強,但始終今仗都對番Hush Writer,熱門亦都合理。對手相信會係「不倒石」(Brimham Rocks),上仗於出戰2000米三級賽都開始接近,再增程會更合發揮。而「玄舞幻步」(Mirage Dancer)上仗於滿利谷負重磅下末段都有些少走勢,亦可留意今仗發揮,鞍上人係羅理雅。

二級賽首演錦標方面,會唔會係單打獨鬥及The Everest前哨戰呢?「綠化帶」(Nature Strip)通過左閘箱測試後,如期出戰呢項二級賽。對手會係話跑完The Everest 黎香港既「川河達駒」(Classique Legend),上場贏得幾輕鬆既「川河達駒」會唔會係The Everest 前比個下馬威「綠化帶」呢?

Source: Racenet; Racing Zone