【蘇銘倫暫別香港 嘆現時香港好馬不多】

Homan

15 February 2021 at 3:16:24 am

比利時好手蘇銘倫再添兩場頭馬完成今個客串期。

佢於完成賽事後接受SCMP訪問透露自己會先返回法國處理家事，預計自己會於法國逗留一個月，並會於杜拜世界盃賽日中上陣，但不會於今個星期六既沙特盃賽日中上陣。對於來季會唔會再來港客串，佢就持正面態度，但再睇到時情況而定。

另外，問及現時香港賽馬環境及質素時，蘇銘倫認為現時香港與佢來港客串既時候有少少唔同。佢認為現時香港好馬既數目較佢來港客串時少，意指現時香港賽駒深度不及當時。一級賽甚至級際賽賽駒實力分野頗大，機會座騎亦順理成章落到前列騎師手中。

佢作為客串騎師，只要前列騎師莫雷拉、潘頓及何澤堯發揮正常，基本上難以從佢地手中得到機會座騎，而其他賽駒爭勝機會亦遠遠不及同場對手。佢認為以前香港約有20匹賽駒可於一級賽有機會勝出，現時僅得5至8匹。

去到呢度，我想問各位：

參考以上資料及就你所知，你是否同意「香港賽駒實力懸殊，對香港賽馬發展利多於弊」。

Source: SCMP