【葉森橡樹賽日】「我愛惜」乘勇攻加冕盃 岳伯仁五路興兵爭橡樹

Homan

3 June 2021, 9:10:30 am

葉森橡樹賽日將於聽日上演,當地天氣晴朗,預計兩日都唔會有雨。據知當地場地保養會於最後1600米維持灑水,確保場地唔會過快。而葉森馬場都可以允許公眾入場,人數上限為4000人。

葉森橡樹賽日會上演兩項一級賽,分別係年長馬12化郎賽事加冕盃及焦點賽事葉森橡樹大賽。今年只得六匹賽駒報爭加冕盃,季內兩戰輕勝對手既「我愛惜」(Al Aasy)排得1檔。今年進步良多,可否取得競賽生涯首項一級賽呢?

對手就有香港瓶冠軍「業界巨頭」(Mogul)及每年都係全盛期既「日出之國」(Japan)。前者於杜拜司馬經典賽觸礁,上仗根利錦標又只得季軍,今場會唔會跑得番呢?而「日出之國」上仗初出贏馬,莫雅每次都話佢越黎越好,睇下可唔可以再贏一級賽喇!而上年於雅士谷擊敗「業界巨頭」既「致勝一擊」(Pyledriver)都會上陣,睇下表現如何喇!

而葉森橡樹方面,岳伯仁與打吡唔同,派出五匹賽駒上陣,當中於英國一千堅尼熱門下得殿軍既Santa Barbara繼續由莫雅策騎。上仗賽後幕後認為Santa Barbara增程角逐會較好,睇下呢匹「澳國勳章」(Order Of Australia)半妹可唔可以贏得一級賽喇!而上場於三級賽慕絲多拉錦標贏馬既「大震撼」(Deep Impact)子嗣Snowfall,今仗就會交由戴圖理執韁。而車士打橡樹冠軍Dubai Fountain繼續交由駱愛敦(Franny Norton)策騎。而亞軍Zeyaadah亦會出戰,會由高俊誠策騎。最終究竟會由邊匹賽駒贏得呢項大賽呢?

Source: Racing Post
Photo: Racing Post