Homan

10 February 2022 at 3:06:03 am

美國練馬師華特一向喺英國皇家雅士谷賽期表現出色，亦不時贏出該賽期賽事，如2015年嘅鑽禧錦標冠軍「急就章」（Undrafted）及上年嘅英聯邦盃冠軍「鈴兒花」（Campanelle）。

美國時間星期二，華特於美國肯塔基州屋企有盜賊闖入，並將12個金製獎盃盒偷走。除左呢12個獎盃盒外，屋入面嘅其他物品，如手提電腦及其他獎盃都未有被偷走。

華特就表示相當沮喪，認為呢啲獎盃盒不但價值連城，亦盛載住佢地一家人嘅回億。而由於獎盃盒入面有曬賽事名同賽駒名，華特表示唔明白對方點解要偷呢啲獎盃盒，畢竟應該唔會有人買呢啲老鼠貨。

華特翻查自己屋企CCTV發現一位身穿黃色外套嘅疑犯，但未能睇得清其容貌。現時案件仍在調查之中。唯一好彩嘅係華特係呢件事上面未有受傷，人無事先可以再挑戰皇家雅士谷架嘛。

Source: Racing Post
Photo: Racing Post