【菜七子日本見習騎師畢業】

Homan

日本現時唯一女騎師藤田菜七子琴日憑Endo Tsuda(エンドーツダ)贏馬,連同地方JRA既交流賽事頭馬,合共贏得一百零一場頭馬,滿足左日本見習騎師畢業既條件。

佢將會係之後既賽事會獲得女騎師減磅優惠少負2kg上陣。呢項當地女騎師優惠近年先設有,令當地女騎師可以獲得更多座騎,現時只有佢一個受益人,不過稍有將有至少兩位女學員將於日本騎校畢業,佢地屆時出道將會可以獲減4kg減磅優惠。

藤田於年末播出既紀錄片就表示自己仲可以做得更好,亦覺得現時自己做得未夠好,所以仲未好鍾意自己。出道踏入第五年,好多人都話睇到有改變亦都有進步。

武豊就話覺得呢個女騎師大力左好多,唔可以睇小。雖然「活蹦雀躍」(Copano Kicking,コパノキッキング)既馬主小林祥晃同練馬師村山明決定係黎緊既根岸錦標將隻馬交比莫艾誠打衛冕戰,不過佢地都覺得藤田係呢一年策騎「活蹦雀躍」感受到好大進步,亦敢於主動提意見,並非只聽從指示。藤田於上年既東京盃出動向練馬師建議改變跑法,更要求練馬師及馬主將該仗戰略交比佢去諗。結果該仗「活蹦雀躍」一放到底,為藤田首項分級賽(日本二級賽)冠軍。賽後,兩位都話佢越黎越有自信,而唔服輸既性格令到佢更思考點樣可以做得更好。希望新一年既升格可以令到佢更進一步!

Source: サンケイスポーツ