【莫雷拉田泰安薛恩打吡座騎已定】

Homan

香港打吡大賽將於下月21號舉行,各陣營配搭亦逐漸落實。

莫雷拉於接受SCMP訪問時透露,佢將會繼績策騎「達心星」出戰香港打吡大賽。佢話就算「達心星」未足以應付2000米,但佢相信「達心星」係今屆參戰馬中最好。認為即使是一匹一哩馬都可以贏出香港打吡大賽,而且上場賽事陣上際遇唔好而未能發揮真正實力。

而上仗經典盃追入亞軍既「將王」,打吡大賽既鞍上人將唔會係楊明綸。琴晚練馬師韋達接受新報訪問時透露,「將王」將交由田泰安執韁出戰香港打吡大賽。

另外,薛恩則繼續策「勁搏」出戰香港打吡大賽。