【英國牌仔喜訊】

Homan

4 December 2019, 8:16:45 am

英國賽馬協會(BHA)宣布來年三月起,當地見習騎師與其所屬練馬師既獎金分配將有所調整。

英國賽馬協會(BHA)宣布來年三月起,當地見習騎師與其所屬練馬師既獎金分配將有所調整。佢地希望呢條新規例可以令呢班見習騎師可以係工資上得到更公平既待遇。根據新例,所有見習騎師(無論三磅、五磅及七磅)將會取得策騎費的八成,其餘兩成將會交由所屬練馬師。相比之下,現行制度「三磅仔」與新制相同,而「五磅仔」及「七磅仔」則在新例下分可以獲得百分之二十五及百分之三十既加幅。而係獎金方面,舊制一路都係五五分帳。但係新例之下,「五磅仔」及「七磅仔」可獲獎金既八成,而「三磅仔」則可獲獎金既九成。作為交換,所屬練馬師將唔再需要為見習騎師比開支。

支持新例既騎師協會 Professional Jockeys Association 就話歡迎新例,亦希望咁樣可以保障到見習騎師。

當地既練馬師協會 National Trainers Federation 並不支持新例,認為咁樣或者會令到有部分練馬師唔會聘請見習騎師為其策騎。佢地認為現時既獎金分配並不足以認可練馬師於見習騎師上所付出既努力。

現時香港既見習騎師需根據勝出場數,可獲當中既五成(首十場)、七成(第十一至七場)及八成半(第七十一場至畢業)。

Source: Racing Post