Homan

25 April 2020 at 3:19:34 am

英國賽馬會早前透露希望於五月一號復賽，但相信其復賽計劃未能如期。

Racing Post透露英國賽馬會與當地政府討論進展並不順利。英國賽馬會當然想如計劃般在五月一號復賽。不過，當地政府認為復賽不應過急，應在疫情進一步穩定後先恢復賽事。現時英國賽馬會估計五月七號前都唔復賽，佢地正與政府跟進究竟何時可以復賽。

隨著原定復賽時間表日漸逼近，各項措施細節都曝光。除左閉門作賽係基本外，每場參賽馬既數目都會有限制。英國賽馬會表示為保持社交距離及減少人士於馬場內，將每場賽事既參賽馬都會限制於十二匹內。佢地就話復賽初期，低分馬或比較難搵到賽事出賽，但咁樣係無可避免。

而賽事方面，現時英國賽馬會就對於葉森橡樹及葉森打吡大賽都持樂觀態度。佢地暫時都傾向將呢兩項一級賽保留係葉森馬場舉行，不過會由以往分兩日舉行，轉為一個賽日內同時進行葉森橡樹及葉森打吡大賽兩項一級賽，將預計於七月頭舉行。如果屆時香港會有轉播，馬迷就可以同一賽日內睇到兩項一級賽喇！

Source: Racing Post