Homan

7 April 2020 at 4:01:25 pm

英國賽馬暫時定於五月一號重開，屆時預計會閉門作賽。

當地三歲四場經典系列賽事——英國一、二千堅尼及葉森打吡及橡樹原定於五月二號至三號及六月五號至六號舉行。今日英國馬會公布，考慮到並冇任何前哨戰比參賽馬，而參賽馬大多未能以最佳狀態出戰英國一、二千堅尼，故當局決定將英國一、二千堅尼延期，日子將有待公布。

而舉行葉森打吡及橡樹大賽既葉森馬場就因為歷史原因，馬場為公眾地方。為配合當地政府既最新規定，實不適合於該馬場舉行賽事。故佢地認為葉森打吡及橡樹大賽照定日子舉行並不可行，需要另訂日子舉行。

而皇家雅士谷賽期方面，雅士谷馬場公布今年既賽事暫時會照原定日子舉行，即由六月十六號至二十號舉行，屆時將會閉門舉行，以配合當地政府對抗武漢肺炎既措施。

Source: Sportinglife, Racing TV