【老婆預產期二月】史卓豐國際賽後離港 返澳洲發展

Homan

20 November 2021 at 11:10:38 am

於香港策騎多個馬季嘅27歲史卓豐，將會喺香港國際賽後離開香港，返回澳洲悉尼發展。

SCMP今日報導史卓豐考慮到太太Hannah嘅預產期為來年二月，因此決定於BB出世前番到澳洲，讓史卓豐嘅家庭及太太Hannah嘅家庭都可以陪住佢地一齊迎接新生命嘅到來。由於現時來港需要檢疫隔離，反而佢地番到澳洲會較方便。而太太Hannah嘅家人亦由英國前往澳洲會較好，因此決定離開香港返到澳洲讓太太Hannah安胎。畢竟呢一胎係佢地嘅第一胎，新手爸爸媽媽需要多啲幫手都好正常，希望佢地可以一切順利。

除左因為太太需要安胎，佢亦有感自己無機會喺香港展現佢嘅能力，所以返回澳洲發展變得順理成章，佢亦相當期待於澳洲悉尼重新出發。

佢計劃國際賽後回澳後，會先與家人共渡聖誕，再開始於當地接座騎上陣。史卓豐今季成績並不理想，開季至今僅上陣65次，只得3場頭馬，得勝率為百分之4。雖然佢未曾於香港贏得一級賽，但曾憑「星洲司令」贏四歲系列賽次關經典盃。

Source: SCMP
Photo: HKJC