【翡翠福星不公平出閘下跑入季軍 研訊遲過賽果作實 無得退飛】

Homan

琴日既第三場賽事,「翡翠福星」出閘緩慢,失地甚多。「翡翠福星」最後於終點前力壓「嘉喜旺」跑入第三名。

賽後鞍上人潘頓投訴其座騎不獲公平出閘機會。事緣「翡翠福星」入閘後,潘頓既鉛袋及「翡翠福星」既馬肚帶一度卡住係閘廂後門,潘頓向司閘員施百厲大叫示意要延遲出閘,等佢可以較番正啲配備。司閘員施百厲當時係知道既,並將頭望向潘頓,等佢搞掂先開閘。佢見潘頓冇再叫,所以就決定開閘。不過其實潘頓就未搞掂,結果開閘時,潘頓得右手揸住韁繩,「翡翠福星」出閘並不順利。

由於賽後並未著研訊燈,小組接獲投訴時已宣布覆磅完畢並作實賽果。在現時既香港賽事規例,賽果作實後,已宣布為第一、第二、第三或第四名的馬匹不得被宣布為無出賽馬匹。競賽小組研訊後認為司閘員施百厲要負上責任。佢應該要確保各匹賽駒都獲個公平出閘機會,並確保與閘後的助理司閘員溝通清晰,以防止參賽馬於閘廂內出現問題。

Source: HKJC