【總之杜拜其實只係報下啦】

Homan

早前有報導指日本2019年最佳三歲雄馬「農神節慶」(Saturnalia,サートゥルナーリア)報名出戰杜拜世界盃賽日賽事,不過其擁有者一口馬主團體Carrot Club既代表秋田博章就不傾向帶佢去。

佢地不主張脾氣唔多好既「農神節慶」第一次遠征就去杜拜,認為如果需要遠征的話,應以四月尾香港既女皇盃為目標會較為妥當。如果遠征就會以大阪杯作熱身。不遠征則以此為目標。

「農神節慶」既半兄「神威啟示」(Epiphaneia,エピファネイア)曾經出戰2014年既女皇盃,輸比「威爾頓」,只得第四名。及後番到日本於當年秋天贏得日本盃。且看呢匹有馬紀念賽亞軍會唔會遠征香港,屆時除左對陣一對香港代表外,預計仲要對中山及沙田特佳既上屆女皇盃冠軍「勝出光采」(Win Bright,ウインブライト)呢匹日本代表。

Source: スポニチアネックス