【網傳自殺離世】日本年輕騎師水野翔笠松引退 曾到澳門客串

Homan

6 August 2021 at 5:56:50 am

日本地方競馬騎師水野翔近日於笠松引退，網上有消息指水野自殺身亡，但消息一直未得到官方證實。

水野翔2014年於北海道出道，表現一直相當唔錯，屬於地方年輕騎師中身手不俗既騎師。佢於2016年尾於笠松客串，及後於2018年初正式轉到笠松策騎。佢於2019年6月至8月期間，由中野省吾推薦下，前往澳門作短期客串。客串期間合共取得四場頭馬，當中策「豐收寶」贏得澳門二級賽夏季錦標。及後佢亦夥拍「豐收寶」於杜拜上陣。

笠松競馬場近一年捲入多宗醜聞，包括騎練投注及收受賄款。而水野翔早前因參加前騎師瀧川寿希也既社交媒體獎金遊戲，而被賽會罰停賽15個笠松賽日。騎師中野省吾早前於其Facebook貼文指水野翔 is gone，未知是指水野已離世定係引退。

網上有消息就話水野翔年初與空条のん宣布結婚，空条のん當時懷有身孕。兩人關係自今年三月起出現變化，消息續指兩人先後自殺身亡，但呢個消息一直未能確認。兩人既社交媒體自三月中至尾再未有更新。現時網絡有多個傳言，但官方一直未有公布，或許只能等官方作進一步公布先會知道真相。

Source: Keiba.go.jp
Photo: kasamatsu-keiba 官方照片